Abahleli Bezindaba, Abadidiyeli neziNtatheli

Kuqopheke umlando iHhovisi likaMeya waseDannhauser, uMhlonishwa Khansela S.E.C Kunene libusisa ukuhlala kwenkundla phakathi koMnyango Wezokumbiwa Phansi naMandla, ubuholi bezepolitiki, izigungu zomohakathi ezimele izimayini, abezezimayini kanye nezikhulu zomkhandlu.
Lo mhlangano wezinsuku ezimbili uhlose ukwakha inkundla yokuphefumula kwamalungu omphakathi akhele izimayini nokwabelana ngolwazi olunzulu ngokusebenza koMnyango nokuthi uxhumana kanjani nemiphakathi ubophezelwe yimigomo ethile yokuwuthuthukisa umphakathi.
IMenenja yoMasipala, uMnu Shaka Cele uthe okuqaphelekile kulezi zinyanga ezintathu esesihlalweni wubudlelwano obulimele phakathi komasipala, izimayini, amalungu omphakathi ahlala ezindaweni ezakhele izimayini kanye noMnyango wezokuMbiwa Phansi naMandla.
Ikubeke kwacaca ukuthi sekuyizikhawu eziningi kufika kuyena izikhalazo zokungeneliseki kwamalungu omphakathi okuholele ekutheni ubuholi buhlele lesi sigcawu.
UMnu Cele uthe lesi ngalesi sigcawu, ubuholi bezepolitiki bufisa kube nokuhlalisana okunokuqonda nozinzo phakathi kwezinhlaka ezithintekayo, ikakhulukazi nomasipala njengoba luthinta wona ngqo njengabaholi bemiphakathi.
“Ngifisa ukuba sibuyekeze imiqingo yokuzibophezela yezimayini eziseDannhauser (Social and Labour Plans) ukuthi iyakhuluma yini nezinhlelo ezilekelela imiphakathi.
Uma sibona ukuthi kukhona lapho okuntenga khona, singenelele sibone ukuthi kakukho lapho lezi zimayini zingaselekelela khona ngama-phrojekthi azofukula umnotho nenhlalonhle yomphakathi bese efakwa emqulwini weNtuthuko eDidiyelwe (IDP).
Ukwethulwa nokuhlala kwe- Mining Indaba uMnz Cele uthe ubona lenkundla injengokuhlwanyela imbewu ezothela imiphumela yokusungulwa kweMining Indaba maduze.
Ngaphezu kwalokho, uthe okuseqhulwini wukusungulwa kuqala kohlaka olubizwa nge-Dannhauser Mining Forum (DMF) lapho isigungu ngasinye somphakathi sizoletha abameleli baso ababili abazoba yingxenye yaleForum.
Usuku lwesibili lube seluphethwa ngokusungulwa nokukhethwa kohlaka oluzomela amalungu omphakathi ezimayini, olubizwa ngeDannhauser Mining Forum, esizobe sihlanganisa namakhansela ezindawo ezithintekayo azoma njengamalungu a-ex officio.UMnu Cele uthe lolu hlaka luzobhekelela futhi lwengamele zonke izikhalo nezincomo zemiphakathi eyakhele izimayini ezinhlakeni ezahlukene.Ube esebacebisa ukuthi luzihlele ukuthi luhlangana kangaki, nini, nangayiphi injongo lulodwa nalapho ludinga khona umasipala.
IMeya eHloniphekile, uCllr S.E.C Kunene ihambe emagameni eMenenja yagcizelela ukuthi lenkundla ilithuba eselilangazelelwe wumphakathi isikhathi eside ungalitholi.
Ithe lokhu bekubonakala ngemvunge yomphakathi owakhele izimayini obusebuhlungwini beminyaka ngesimo senhlalo obekuholela ekutheni ugasele kwamasipala uzodinga izimpendulo.

HAVE YOUR SAY: Like our Facebook page, follow us on Twitter and Instagram or email us at dundee.courier@caxton.co.za. Add us on WhatsApp 071 277 1394.