VRYHEID KZN: Pionier skitter met twee SA-skuts
Anika Smit het gedurende die Oktober-vakansie KZN by die nasionale interprovinsiale kampioenskappe vir vrouens, in Kaapstad te Rondebosch Gholfklub, verteenwoordig
Hoërskool Pionier is baie trots op Karl Fourie en Anika Dedekind wat KZN-skyfskiet by SANSSU se SA-kompetisie verteenwoordig het en hul SA-kleure verwerf het. Karl is die eerste KZN-skut, wat die nuwe KLUB 500-toekenning met ‘n puntetelling van 500 plus in die Veerklas verwerf het.
By die afgelope 2021-SA’s ontvang Karl ook die volgende toekennings:
· SA-kleure (goud);
· Lid van die wenprovinsie o/16-Veerklasspan: goue medalje;
· Lid van die gekombineerde o/16- en o/21-Veerklaswenspan: goue medalje;
· Individueel o/16 2x3P plus 10m-staan: silwer medalje;
· Veerklas o/16-individueel 10m-staan: silwer medalje;
· Veerklas o/16-individueel 2x3P: brons medalje.
Anika ontvang die volgende:
· SA-kleure (brons);
· Lid van die wenprovinsie o/16-Veerklasspan: goue medalje;
· Lid van die gekombineerde o/16- en o/21-Veerklaswenspan: goue medalje;
Caitlin Labuschagne het ook KZN by die SA-kompetisie verteenwoordig en behaal ‘n goue medalje vir die algehele wenprovinsie in o/16- en o/21-Veerklas en ‘n bronsmedalje vir die o/21 KZN- Veerklasspan. Michal Richter het nasionaal 13’e in die o/14-Sporterklas geëindig en het die potensiaal om nog groter hoogtes te bereik.
Na ‘n moeilike jaar het Pionier se skuts ons met uitnemende prestasies verras.
Dogterskrieket:
Baie geluk aan die volgende dogters wat die onderskeie proefspanne vir die Amajuba-Zululanddistrik gehaal het: o/19: Chezaan van Resnsburg en Andrea Sander. o/16: Zelma Böhmer en Ziah Labuschagne. Ons is trots op julle!
KZN-netbal:
Baie geluk aan die volgende dogters wat die onderskeie KZN-netbalspanne gehaal het:
o/14: Zelma Böhmer. o/15: Janika Ferreira. o/16: Thyla Mostert, Ilani Lathleiff en Melé Erlank as nie-reisende reserwe. Pionier is trots op julle!
KZN-gholf:
Anika Smit het gedurende die Oktober-vakansie KZN by die nasionale interprovinsiale kampioenskappe vir vrouens, in Kaapstad te Rondebosch Gholfklub, verteenwoordig. Sy het nommer 1 vir die KZN-span gespeel en het al haar wedstryde gewen. KZN eindig algeheel vyfde uit 16 spanne en tweede in hul afdeling. Wel gedaan, Anika!
ALSO READ: VRYHEID KZN: Pionier-skuts, in die kol
Make sure you follow us on our social media platforms for regular updates
