Die gewilde sanger en liedjieskrywer Rudi Claase het koning gekraai by die Afri-Indie-Musiektoekennings wat onlangs by die AfriForum Teater in Menlopark plaasgevind het.

Die Rynfield-inwoner wat gereeld in Boksburg optree het die toekennings ingepalm vir beste kontemporêre album (Liedjieskrywer) en beste regstreekse manskunstenaar.

“Dankie Hemelse Vader en Afri-Indie Musiektoekennings vir hierdie voorreg. Ek is nederig, maar ook trots en baie dankbaar vir my ondersteuners. Sonder hulle sou ek nie ’n loopbaan hê nie.

“Ek is dankbaar is vir die gawe wat God vir my gegee het,” het hy gesê.

Die doel van die Afri-Indie-toekennings is om erkenning te gee aan onafhanklike kunstenaars.

Lees Ook: Rudi Claase hoop om siele te verkwik met nuwe vertoning

Lees Ook: Rudi Claase vier 21ste jaar in die musiekbedryf