Keara Botha wou nie soos haar maats in sportmotors by die matriekafskeid opdaag nie en het besluit om met haar fiets haar skoolloopbaan op ’n hoë noot af te sluit.
Hoe dan anders, want dié fietsryer van die Rooies was die afgelope seisoen eerste in haar ouderdomsgroep in Mpumalanga en vierde (ook in haar ouderdomsgroep) in Suid-Afrika.
Om fiets te ry met ’n aandrok is nie maklik nie en het sy sommer self haar uitrusting ontwerp om selfs daarvoor voorsiening te maak.
Keara het met ’n rooi kortbroek aangery gekom, waarna haar metgesel vir die aand, Lorenzo Gates (ook ’n fietsryer) by die rooi tapyt haar rok se romp vir haar gehelp vasmaak het oor die fietsrybroek.
Haar ma, Yolandi, sê laggend dat Keara passievol, gedrewe en hardkoppig is. “Opgee is nie ’n opsie nie. Wanneer sy besluit sy gaan iets doen, gaan sy voluit daarvoor! Sy sal val, maar opstaan en verder ry.”
@middelburgobserver One of HTS Middelburg’s top cyclists, Keara Botha, fittingly arrived at her Matric Farewell via bicycle. Her date, Lorenzo Gates, helped assemble her dress when they arrived at the venue