Video: Twee sterf, kind ernstig beseer in R555 ongeluk
Twee persone is dood en drie ernstig beseer in 'n botsing op die R555.
Twee mans het gesterf en ‘n minderjarige kind is ernstig beseer in ‘n botsing vanmiddag omstreeks 15:45 op die ou Middelburg/Witbankpad (R555).
‘n Motoris (wat verkies om anoniem te bly) sê hy was vanaf Middelburg in eMalahleni se rigting onderweg toe hy voor hom skielik ‘n stofwolk sien naby die selfoontorings, net buite die dorp.
Hy meld dat die minibus, wat in Middelburg se rigting gery het, ‘n trok se agterwiel getref het en voor die Toyota Etios, wat na eMalahleni se kant toe gery het, ingeslinger is.
Die motoris het dadelik die nooddienste geskakel en uit sy voertuig gespring om hulp te verleen.
Die bestuurder van die Etios en ‘n passasier in die minibus het op die toneel gesterf. Die kind en ‘n manspersoon in die Etios en nog een van die insittendes van die minibus is per ambulans hospitaal toe geneem.
@middelburgobserver Two people died and a child and two adults seriously injured in R555 accident.
