News
Man veilig wat verdwyn het met fiets
Die man wat gistermiddag verdwyn het met sy fiets nadat hy dorp toe is, is veilig gevind.
Johan van Huyssteen is gevind.
Daar is gisteraand berig dat familie en vriende bekommerd is oor mnr. Van Huyssteen, omdat hy omstreeks 16:00 met sy fiets gery het om iets by Mica te gaan koop.
Lees ook: Man verdwyn na hy met fiets dorp toe ry
Op ’n WhatsApp boodskap wat wyd rondgestuur is, word gevra vir hulp, omdat hy nie teruggekeer het huistoe nie.
“Ons is bang dat hy êrens beroof of seergekry het – area CBD Middelburg Sentraal. Enige inligting sal waardeer word. Help asseblief!” het die boodskap gesê.
- ‘n WhatsApp boodskap is laasnag vir die joernalis gestuur om te sê dat hy veilig gevind is.
- Daar is nie uitgebrei waar hy gevind is nie. Daar is net gesê: “ons het hom gekry. Dankie vir al die moeite.”
