Bakkies bots in besige kruising, een slaan om
Die pad voor die plaaslike landdroshof is tydelik toegemaak nadat twee bakkies in ’n botsing in die besige Beyers Naude- en Walter Sisulustraat kruising betrokke was.
![](https://images.caxton.co.za/wp-content/uploads/sites/92/2024/08/IMG_3319-DIGITAL-IMAGES-WEB-780x470.jpg)
Een van die bakkies het op sy sy beland nadat dit ’n beton versperring getref en omgeslaan het.
Die bakkie wat omgeslaan het, het eers teen die ander bakkie gebots voordat dit die bestonversperring getref het.
Nooddienswerkers op die toneel probeer nog die bakkie wat omgeslaan het se bestuurder oortuig om hospitaal toe vervoer te word vir ondersoek.
’n Man en vrou was in die bakkie toe dit omgeslaan het, sê ooggetuies.
![](https://images.caxton.co.za/wp-content/uploads/sites/92/2024/08/IMG_33251-DIGITAL-IMAGES-WEB-520x390.jpg)
’n Ooggetuie sê dat die bakkie tydens die impak met die betonversperring omgedop is, en op sy sy te lande gekom het.
Die pad is tydelik gesluit en opruimingswerk moet nog begin.
Polisie en verkeerspersoneel is op die toneel.
![](https://images.caxton.co.za/wp-content/uploads/sites/92/2024/08/IMG_3323-DIGITAL-IMAGES-WEB-520x390.jpg)
• Motoriste word gevra om die botsingstoneel versigtig te benader weens ’n baan in Walter Sisulustraat wat deur beide bakkies versper word.
@middelburgobserver A vehicle overturns in a collision near Middelburg Magistrates’ Court. #middelburg #accidents#traffic