Man met ‘een arm’ praat, wys vasgebinde arm en sê hy is verslaaf aan pynpille
Die man wat sy linkerarm teen sy lyf vasbind dat dit lyk of hy net een arm het en so bedel op straathoeke, ontken dat hy dwelms gebruik.
![](https://images.caxton.co.za/wp-content/uploads/sites/92/2024/07/arm1-780x470.jpg)
André Stoltz (34), wat daagliks gesien word by die verkeerslig op die hoek van Cowen Ntuli- en John Magagulastraat, erken hy was by Hope Corner vir hulp, maar sê dit was vir sy verslawing aan pynpille.
Hy op die Here se naam gesweer dat hy nie heroïne gebruik nie.
Ayesha Snyman, wat aan die stuur van sake by Hope Corner staan, sê egter hy vertel ‘n leuen en dat hy by hulle hulp kom vra het vir heroïenverslawing.
“Hy het sy inspuiting, teelepel en laaste fix vir my gegee toe hy daar kom. Ek het gevra waar is die toutjie waarmy hy sy arm vasbind om te spuit en het hy gesê hy gebruik sommer die toutjie waarmee hy sy broek vasmaak.”
Ayesha het gemeld dat hy drie dae daar was, maar geloop het “omdat ek kwansuis nie aandag aan hom gee nie. Ons laat die verslaafdes eers klaar deur die onttrekking gaan. Op dag sewe vat ons hulle vir ‘n haar- en baardsny en eers dan begin ons met berading. Die rede daarvoor is omdat soveel van hulle na ‘n dag of drie net verdwyn.”
Sy het ook gesê dat sy linkerarm vasgebind word, omdat hy homself met heroïne in die arm spuit en dat hy dit aan hulle erken het.
“Terwyl hy egter by ons was, het die arm egter skielik gewerk, want hy het hom gebruik om koffie te drink en te rook!”
![](https://images.caxton.co.za/wp-content/uploads/sites/92/2024/07/arms3.jpg)
Kry hom na derde probeerslag
Die joernalis het André eers na ‘n derde probeerslag (nadat hy ons twee keer vantevore ontglip het), op sy gewone straathoek gevind, waar motoriste gereeld vir hom fooitjies in die hand stop.
Die eerste keer wat ons met hom wou praat op straat, het hy gesê hy sal ons eerder by die kantoor kom sien en het hy nooit opgedaag nie.
Die tweede keer vind ons hom voor die drankwinkel in die Nasaret taxistaanplek (Cowen Ntulistraat) en beloof hy dat hy ons oor 10 minute oorkant die pad in Cowen Ntulistraat sal kry, waarna hy ook verdwyn.
Dié keer bly hy darem staan.
Bind nie net arm vas nie, voet was ook seer
Buiten sy linkerarm wat agter sy rug vasgebind is, het hy die betrokke dag ook ‘n ou mediese skoen oor sy een voet aan.
“Ek is raakgery…” vertel hy toe die joernalis hom voorkeer en vra vir ‘n onderhoud.
Hy wil aanvanklik niks weet nie, en sê: “julle hou nie van mense soos ons nie. Jy kan maar skryf wat jy wil,” maar antwoord tog van die vrae wat gevra word.
Vies oor ‘geen aandag’
Toe daar uitgevra word oor die drie dae wat hy by Hope Corner was, word hy baie kwaad.
“Hulle het my glad nie aandag gegee nie en my glad nie eers probeer help nie. Die hele drie dae wat ek daar was, het ek in die boonste kamer alleen gebly. Die toilet het ook nie gewerk nie!”
Volgens hom het een van die “huisvaders” van Hope Corner hom op straat gekry en gesê hy kan Hope Corner toe kom.
Hy het nie net vir Ayesha beskuldig dat sy nie aandag aan hom gegee het terwyl hy daar was nie, maar, volgens hom, was hy die meeste van die tyd alleen en het een persoon net af en toe by hom kom inloer.
Was ‘voorheen aan heroïne verslaaf’
“Ek is verslaaf aan pynpille, wat opioïed bevat, wat dieselfde toets en onttrekking het as heroïne.”
Hy erken egter dat hy “vroeer jare wel baie gedrink het en letterlik álles gebruik het, van heroïne tot CAT (metkatinoon). Ek het egter nooit crystal meth (kristal metamfetamien) gebruik nie.”
Hy dui ook aan dat hy al in ander rehabilitasiesentrums was, “maar nie in en uit rehabilitasie was, soos ander mense beweer nie.”
Was dors tydens onttrekking
André het te kenne gegee dat hy nie genoeg hidrasiekoeldrank en water gekry het by Hope Cornner nie en erg gedehidreer het tydens sy onttrekking. “My tong het tot gebars, so dors was ek.”
‘Kan arm nie gebruik, al wil ek hoe graag’
André is gekonfronteer oor ‘n video wat verskyn het op ons susterskoerant, Witbank Nuus, se webtuiste waar hy kitaar speel.
“Ek het kitaar gespeel, ja, maar dit was vier of vyf jaar gelede.”
Op hierdie tydstip het hy sy hemp oopgeknoop en sy linkerarm vir die joernalis gewys.
“Kom ek wys jou. Kan jy die arm se dikte sien? Hy is heeltemal dunner as die ander een. Jy kan sien hy werk nooit. My hand is ook nie vuil nie. Ek kan hom nie gebruik nie, al wil ek hoe graag!”
Hy beweer hy het ‘n genetiese siekte, Huntington, wat sy spiere en senuweestelsel aantas.
“Enigiemand kan tog sien hy werk nie. As jy net jou logika gebruik, sal jy dit sien!”
Die joernalis het dit egter duidelik gemaak dat sy nie ‘n dokter is nie en alhoewel die arm skoon is en nie bruingebrand is soos die ander een nie, kon sy nie ander fout op die arm sien nie.
Wil nie jammer gekry word nie
“Ek wil nie hê mense moet my jammer kry nie.”
André wou nie sê waar sy bly nie en net gemeld dat “sy ver” is.
Hy is baie intelligent
“Mense wat egter dink ek het ‘n graad in IT, sit die pot mis,” maar wou hy ook nie uitbrei watter graad hy behaal het nie.
Het man geken, wat in bos gesterf het
“Hy was al ‘n rukkie siek en kon nie meer bedel nie.”
‘Gevaarlikste ou in Middelburg’
Die joernalis wou hom nog ‘n paar vrae vra oor sy herkoms en bewerings wat teen hom gemaak is, waarop hy skielik baie haastig geraak het.
Antwoorde op nog van André se bewerings
,• Ayesha het genoem dat die toilet naby die kamer waar hy die drie dae by Hope Corner was, wel die dag met sy aankoms probleme gehad het, nadat ‘n pyp gebars het.
“Hulle kry selfs pynmedikasie, wat geen verdowingsmiddels bevat nie, om te help met cold turkey (die gevoel wat verslaafdes dit noem terwyl hulle erg onttrek) en die pyn.”