Lede van die ernstige geweldsmisdaad-eenheid se opsporingspan, asook sekuriteitsfirmas en die K9 (honde) eenheid van die polisie het Vrydag saamgewerk om drie verdagtes vas te trek na die plaasaanval op ’n lodge buite Machadodorp.
Die drie sal vandag in die Kabokweni Landdroshof verskyn op onder andere besit van ongelisensieerde vuurwapens en ammunisie, asook klagtes wat verband hou met die plaasaanval en ’n poging tot ’n transitorooftog.
Tydens hul arrestasie in Kabokweni het die polisie beslag gelê op verskeie vuurwapens, waaronder pistole, gewere, klankdempers en ammunisie.
Volgens ’n persvrystelling deur die polise se provinsiale mediakantoor, is die operasie Vrydag uitgevoer nadat die polisie inligting ontvang het oor waar die verdagtes is.
Die verdagtes was na bewering betrokke by verskeie misdade, insluitend rooftogte, wat in die laaste tyd in die provinsie, gepleeg is.
Die vuurwapens waarop beslag gelê is, sal ballistiese toetse ondergaan om vas te stel of dit nie voorheen in die pleeg van ander misdade gebruik is nie.
• Die provinsiale mediakantoor het ook bevestig dat hulle die moontlikheid ondersoek dat hulle betrokke kon wees by die plaasaanval Donderdag by die lodge op Machadodorp waar mense vasgebind en wapens en ’n VW Golf geroof is.
Na die aanval, is die rowers gejaag tot by Kaapsehoop, waar hulle die voertuig gelos en die bosse ingevlug het. ’n Erge brand het gewoed in die area, wat die soektog bemoeilik het.
Lees ook:
https://www.citizen.co.za/middelburg-observer/news/2024/07/04/video-polisie-soek-na-rowers-in-veld-waar-n-reuse-brand-woed/
Die rowers het daarna in die plantasie by Kaapsehoop ingevlug.
Lees ook:
• Die waarnemende provinsiale kommissaris van die SAPD in Mpumalanga, generaal-majoor Zeph Mkhwanazi, het die arrestasies verwelkom en gesê dat die polisie in die provinsie hard werk om te verseker dat diegene wat misdade pleeg dienooreenkomstig hanteer word.
• Dié aanval was net etlike dae na ’n kaping van ’n werknemer op ’n plaas op Belfast. Later het die kapers ook op die boer van Belfast losgebrand. Gelukkig is niemand beseer nie.
Lees ook:
Boer vertel van trauma tydens kaping en skietery op Belfast plaas
