Mnr. Piet Wassenaar (eienaar, Presidio sekuriteitsfirma in eMalahleni) sê mense het vanmiddag laat weet dat hulle weer in die dam is, waar hulle twee weke gelede op die vakansiedag (Vryheidsdag) gesien is.
Hy was reeds daar en het mense in die omgewing gewaarsku.
“Daar bly mense baie naby aan die dam op die oewer en ons het gerugte gehoor dat daar mense is wat hulle wil skiet.”
Lees ook: Seekoei naby Blinkwater Meule gesien
Mnr. Wassenaar het ook vir mnr. Ertjies Röhm (Wildbestuur, Mpumalanga Toerisme en Parke Agentskap) en mnr. Johannes Lekoto (MTPA, Middelburg kantoor) laat weet.
“Ons sal vinnig aan ’n oplossing moet dink om die seekoeie se veiligheid te verseker,” sê mnr. Wassenaar.
• ’n Vrou het Vrydagoggend ’n seekoei gesien op die Blinkwater Meule plaas.