Hierdie projek is geloods as deel van AfriForum se nasionale monumentoudit wat daarop gemik is om Suid-Afrika se monumente en erfenisgebiede te bewaar.
Hoewel hierdie begraafplaas se gras deur die Steve Tshwete Plaaslike Munisipaliteit gesny word, is die grafte nie netjies skoongesny nie. Die taklede het die kindergrafte skoongemaak en al die rommel opgetel.
Gedurende die tweede fase van die projek sal die heining op plekke herstel word.
“Hierdie terrein is deel van ons erfenis en moet beskerm word,” sê Magiel Ebersohn van AfriForum se Middelburg-tak.