News
Geliefde paramedikus sterf terwyl hy aan diens is
Die geliefde paramedikus, Henk Pienaar, is vanoggend in die vroeë oggendure by die Provinsiale Ambulansdienste se perseel in Beyers Naudestraat oorlede.
Hy het nog kort na middernag hulp verleen as paramedikus by ’n ongelukstoneel.
Henk was welbekend en geliefd in Middelburg waar hy ’n bekende gesig was by die noodhulp gazebo’s tydens sportbyeenkomste.
Hy was ook een van die paramedikuste wat diens gedoen het tydens die derby tussen Hoërskool Middelburg en HTS Middelburg.
• Ons as joernaliste sal ook vir Henk met ’n warm hart onthou wat ons met respek behandel het en altyd gereed was met ’n grappie as ons hom langs die rugbyvelde raakgeloop het.
