Plaasaanval bakkie gevind
Die bakkie wat aan ’n Dullstroom egpaar behoort is vanoggend in Middelburg voor ’n taverne, bekend as Natal Kafee, gevind.
![](https://images.caxton.co.za/wp-content/uploads/sites/92/2017/02/dullstroom-bakkie-LL-ZN.jpg)
Robert Lynn en Sue Howarth is Sondagoggend in hul huis aangeval en aanvallers het hul later in hul blou Nissan Hardbody dubbelkajuit geboender en op die R33 (Stoffberg-Belfastpad) afgelaai.
Beide is in die kop geskiet en met blaasvlamme gebrand. Mnr. Lynn is tans in ’n bedenklike toestand terwyl mev. Howarth steeds kritiek is.
Die bakkie is verlate in die reën gevind. Daar was geen aanduiding van hoe lank dit al daar staan nie. Een van die agtervensters is stukkend en die enjinkap was effe oop.
Die Middelburg Polisie bewaar tans die voertuig tot die forensiese eenheid na die toneel kan kom.
Lees vorige storie hier:
Vrou in koma na Dullstroom aanval
Read other news here:
Nuusflits: “Belfast inwoner dood na beweerde gesinsgeweld”
Armed robber shot at e’Mhluzi Mall