Stefan Marais bly steeds ‘n toonbeeld van ‘n sportman wat hom deur niks laat onderkry nie, en sy lys titels word net al langer.
Op die ouderdom van 15 het Marais met dwelms deurmekaar geraak. Hy het egter in 2013 die hersetknoppie op sy lewe gedruk, en dit het reeds talle liggaamsboutitels tot gevolg gehad.
Lees ook: Klein begonne, maar groot gewonne
Die afgelope naweek, sonder enige voorbereiding, het Marais by die Mpumalanga-provinsiale kampioenskappe met die louere weggestap en sodoende vir die nasionale kompetisie gekwalifiseer.
Dis egter nie waarop hy sy visier instel nie. Dié 20-jarige takbestuurder van Muscle Mecca in i’langa Mall sal eersdaags op die verhoog verskyn waar hy sy staal by Muscle Militia (28 September) en vroeg in Oktober by Gentle Giants sal wys.
