Hoërskool Nelspruit het op Woensdag, 14 Augustus, behoorlik die rooi tapyt vir die bekroning van Mnr. en Mej. NHS 2024/25 uitgerol.
By dié glansryke bekroningsgeleentheid het 10 paartjies om die gesogte titels meegeding.
Hulle moes onder andere vertonings lewer om elk ‘n borg uit te beeld en aan die gehoor bekend te stel.
LEES OOK: Hoërskool Nelspruit boys make a clean sweep at Noordvaal Schools Hockey Tournament
Hier het die kinders se kreatiwiteit en skerp sin vir humor sterk na vore gekom deur die slim gebruik van draaiboek, musiek en kostuums om hul gekose borge op vermaaklike wyse ten toon te stel.
Tydens die formele deel van die program het die paartjies hul beste glansvoetjies in pragtige pakke en aandrokke voorgesit, wat gesoute Hollywood-sterre na hul asems sou laat snak.
Maar Afrikaners is mos plesierig, en wat sou ‘n aangeleentheid, hoe glansryk ook al, nou wees sonder ‘n bietjie gees?
Dis waar Droomsindroom, die broersduo uit Pretoria, hulle hulself uitstekend van hul taak gekwyt het.
Buiten dat die twee aantreklike jong manne die meisies se knieë lam gemaak het, was die skoolsaal met luidrugtige gille, ritmiese geklap en spontane saamsing gevul – duidelike tekens dat die gehoor Droomsindroom se vertoning gate uit geniet het.
Die beoordelaars moes goed kopkrap om Mnr. en Mej. NHS te kies, maar uiteindelik was dit Karlo Moolman en Jannay Strauss wat met die louere weggestap het.
Die eerste prins en prinses was Karlo Moolman en Jannay Strauss, en Dirk Joubert en Nicola Parsons was tweede prins en prinses.
Die kameras het verlief geraak op Dúvan Wiehman en Zuné Scheepers, wat uiteindelik as Mnr. en Mej. Fotogenies aangwys is.
Anton van Niekerk en Levandi Hough het genoeg charisma gehad om as Mnr. en Mej. Persoonlikheid aangewys te word, terwyl Adrian van Wyk se talent vir fondsinsameling hom met die Debutant van die Jaar-titel sien wegstap het.