Bydraes vir kermis word waardeer

Lydia Niemand, die bestuurder van die tehuis, het die leerders vir die skenking bedank. Die jaarlikse kermis vind op Vrydag en Saterdag 24 en 25 Junie plaas. Rusoord se inwoners het altyd ‘n vleistafel met baie spesiale pryse, groente en vrugte vars van die plaas af. Die tantes bak koekies, jafels en maak outydse basaarpoedings.

Lees ook: Landsdiens samel meer as 500 komberse in vir Step

Dit is maar net ‘n paar van die lekkernye wat daar sal wees. Teken solank hierdie datums in jou dagboek aan. Buite-uitstallers word ook uitgenooi om stalletjies, wat R150 kos, op te rig.
Rusoord se kermisse is altyd ‘n fees en ‘n heerlike saamkuiergeleentheid vir die hele dorp. Skakel Andrea by Rusoord by 013 235 2146 vir meer inligting.