MBOMBELA – Belemmering of verydeling van die regspleging bestaan uit enige wederregtelike, opsetlike gedrag wat bydra of lei tot die dwarsboming van die gereg.
ALSO READ: It is raining on Paul Kruger’s birthday!
Daar is twee vorme van regsverydeling wat ‘n misdaad is, waarvan jy aangekla kan word. Dit bestaan uit die belemmering van die gereg, wat iets minder is as verydeling, en verydeling self van die gereg.
As iemand van verydeling aangekla word, moet die staat bewys dat behoorlike regspleging wel beïnvloed was.
ALSO READ: The ‘stayers’ are here for good
Dit sal die geval wees as daar bewyse is dat ‘n onskuldige persoon skuldig bevind was, of dat ‘n skuldigde persoon ontslaan was.
Daar is verskeie maniere waarop dit kan plaasvind byvoorbeeld:
- Om ‘n getuie oor te haal om valse getuienis aan die hof te gee
- Om te weier om getuienis te gee
- Om valse inligting aan die polisie te verstrek
ALSO READ: Local artist has debut exhibition until January
- Om ‘n getuie te verwyder sodat hy nie getuienis kan gee nie
- Om ‘n klaer op ‘n onbehoorlike wyse te oortuig om die klag terug te trek of nie te vervolg nie
- Om ‘n gevangene sonder magtiging vry te laat
- As iemand die polisie mislei om te verhoed dat hulle ‘n misdaad naspoor
- Fabrikasie van valse getuienis
ALSO READ: Clean bill of health for the Excellence Awards
In die saak van S v Cassimjee, 1989, was Cassimjee die bestuurder van ‘n vragmotor wat in ‘n ongeluk betrokke was. Tydens die ondersoek op ‘n aanklag van nalatige en roekelose dronkbestuur word hy ondervra en verklaar hy dat hy net ‘n passasier was. Die valse ontkenning het deel gevorm van die klag van belemmering van behoorlike regspleging, waarop die verhoorhof die beskuldigde skuldig bevind het.