Boekkarakters kry lewe by Lydenburg Laerskool

Elke moontlike sprokieskarakter uit geliefde kinderboeke het op 8 September hul verskyning by Laerskool Lydenburg gemaak.

Disney-karakters, superhelde, kabouters, robotte, donkies, spoke en prinsessies het op die skool se terrein rondgedwaal. Gedurende die week het die planetarium van Tshwane die skool besoek en die leerders meer van die sterrestelsel geleer.Elke dag het die leerders ander aktiwiteite gehad wat hul liefde vir lees aangekweek het. Op 7 September het almal kleurvolle kouse aangehad.

Deur die week was die Reisende Boekwinkel ook in die skoolsaal, waar die leerders tussen nuwe boeke kon kies en keur. Die hoof, Cornelius Lemmer, het die leerders en onderwysers wat die boekeweek so spesiaal gemaak het, bedank.