Soektog geloods na vermiste 86-jarige
Die soektog môre sal voortgaan, en vrywilligers word genooi om by die soektog aan te sluit.
NGODWANA – Die polisie het onlangs ‘n soektog geloods na ‘n 86-jarige man wat Vrydag in die area weggeraak het.
Volgens kapt. Pottie Potgieter, het Johannes Radebe gaan perd ry en nooit na sy huis teruggekeer nie. “Sy perd is intussen gevind en ons het vanmiddag sy skoene, rugsak en kapmes gekry,” sê Potgieter.
Hy voeg by dat die soektog môre sal voortgaan, en nooi vrywilligers saam, om op eie risiko, by die soektog aan te sluit.
Vrywilligers kan om 08:00 by McDonald’s in Riverside aanmeld waar ‘n polisiebus sal wag. Daar is slegs plek vir ongeveer 20 mense, so maak seker jy is vroeg daar. Potgieter stel voor dat hulle gemaklike stapskoene, ‘n hoed en ten minste twee liter water saamvat.
Lees ook: Abnormal water tanks cause another incident on Lowveld roads
Young woman’s body found in shallow grave
