MBOMBELA – Hoërskool Nelspruit se jaarlikse Idols-kompetisie het verlede week vir groot vermaak gesorg toe leerlinge met uitsonderlike sangtalent, en ook dié met minder uitsonderlike talent, die mikrofoon aangedurf het.
Die gehoor asook beoordelaars was by tye behoorlik stomgeslaan deur dit waarmee leerlinge vorendag gekom het, maar het nietemin klippe gekou om die wenners in elke kategorie te kies.
Vanjaar was dit egter Zander Goosen wat in die soloafdeling met sy liedjie, “Happy” as wenner gekroon is. Hy is met R2 000 beloon. In die duette-kategorie was dit Banele Mthenjane en Meli Mazibuko wat die kollig met ‘n treffer uit, The Fast & Furious gesteel het. Lizeli Gildenhuys en Elsame Scholtz het op hulle beurt skoonskip in die Wooden Mic-afdeling met hul treffer, “Leppellê” gemaak.
Die jaar se beoordelaars was Theresa Schoeman, ‘n plaaslike musiekonderwyseres, dr. Walter Fourie, bekende tenoor, Jaco Lindhout, prokureur van Witrivier en drie keer semifinalis in ATKV Crescendo, asook Adeleen Niehause en Charla du Plessis.
Uitslae
Solo:
1. Xander Goosen met “Happy”
2. Christoph Mans met “Chasing Cars”
3. Rene Bekker met “Cowboy Cassonova”
Duette:
1. Banele Mthenjane en Meli Mazibuko met ‘n treffer uit The Fast & Furious
2. Lauren Viljoen en Xander Goosen met “Stay”
3. Rene Bekker en Terese Vorster met “Tell him”
Wooden Mic:
Lizeli Gildenhuys en Elsame Scholtz met ”Leppellê”.
