‘n Fees van trofees vir Laerskool Nelspruit
Van die 14 trofees wat gelê en wag het om opgeëis te word, het die Nellies by verlede Saterdag se interlaer 11 opgeraap.
Vir Laerskool Nelspruit het dit Saterdag trofees en medaljes gereën. Hierdie welslae het egter nie uit die lug uit geval nie; harde werk en vasberadenheid na die aanloop tot die byeenkoms, was ooglopend en het vrugte afgewerp.
Van die 14 trofees wat gelê en wag het om opgeëis te word, het die Nellies 11 opgeraap.
Ook spog die skool met 38 goue medaljes, 28 silwer en 20 brons – ‘n totaal van 86.
Drie van die vier toptoekennings pronk ook tans in dié skool se vertoonkas.
Die senior victor ludorum was Aldo van Jaarsveld, en Stefan Augustyn (Nellies) en Joël Akum (Nelspruit Primary) het die junior victor ludorumtrofee gedeel, terwyl Lana Theron as senior victrix ludorum aangewys is.
LEES OOK: Dis weer tyd vir die gewilde Maroela Makiti
Aldo het ook die toekenning vir die beste baanatleet (seun), beste hekkiesatleet (seun) en beste prestasie vir die dag ingeryg, en Lana het die beste prestasie vir die dag behaal (dogters).
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
