Hoërskool Nelspruit se 2018 skouspel
Vanjaar se skouspel was beslis een vir die boeke.
![](https://images.caxton.co.za/wp-content/uploads/sites/44/2018/05/1L1A4511Edit.jpg)
MBOMBELA – Die skitterendste aspek van die 2018 Nelspruit Hoërskool-skouspel was nie die perfekte choreografie, die engelstemme of spoggerige kostuums nie, maar eerder die energie van elke leerder op die verhoog wat die gehoor op hul voete gehad het.
![](https://images.caxton.co.za/wp-content/uploads/sites/44/2018/05/1L1A4489Edit.jpg)
Die skouspel was vandeesweek in die Mbombela Stadsteater te sien en het Saterdagaand met ‘n gala-aand afgesluit.
Die vertoning het begin met die treffer, “Music was my first love” wat deur vyf leerders gesing is en die gehoor van kop tot tone hoendervleis gegee het.
![](https://images.caxton.co.za/wp-content/uploads/sites/44/2018/05/1L1A4603Edit.jpg)
Ander treffers van die konsert sluit in ‘n Adele-keurspel, ‘n vermenging van twee treffers “Blue bayoo” en “Skynheilig” en die Meatloaf-treffer, “I would do anything for love”.
![](https://images.caxton.co.za/wp-content/uploads/sites/44/2018/05/AZ2A5651Edit.jpg)
Die “Makarena mambo” was duidelik ‘n groot gunsteling onder die gehoor en is ook as ‘n toegif herhaal na die energieke finale op maat van die John Farnam-treffer “You’re the voice”.
![](https://images.caxton.co.za/wp-content/uploads/sites/44/2018/05/1L1A4933Edit.jpg)
“Writing’s on the wall” het gesorg vir ‘n teer oomblik in die vertoning met ‘n paartjie wat passievolle danspassies met talle toertjies uitgevoer het.
![](https://images.caxton.co.za/wp-content/uploads/sites/44/2018/05/1L1A4698Edit.jpg)
Die uitstekende beligting en stel wat oënskynlik deur die musiekvideo van “Toe vind ek jou” geïnspireer is, het die aanbieding goed afgerond.
![](https://images.caxton.co.za/wp-content/uploads/sites/44/2018/05/1L1A4953Edit.jpg)
Vanjaar se skouspel het sag op die oor én op die oog geval en groot verwagting is reeds vir volgende jaar geskep.
LEES OOK: Nelspruit Hoërskool Revue 2016