Merensky tennis onnie tweede beste in SA

ALEXANDRA Dreyer, tennis afrigter by Hoërskool Merensky, het van 9 tot 14 Oktober vir die Gauteng-Noord 30+ A-span aan die Suid-Afrikaanse tenniskampioenskap in Bloemfontein deelgeneem. Ses provinsiale spanne het vyf dae lank meegeding om te bepaal wie die interprovinsiale spankampioene is. Dreyer se span het met die louereweggestap. Dreyer het 10 wedstryde in dié toernooi gespeel, waarvan sy agt gewen het. Sy bekleë tans die tweedeposisie in Suid-Afrika in die vroue 30-35 ouderdomsgroep. Dreyer speel oor die volgende drie naweke Gauteng-Noord geslotetoernooie ten einde te kwalifiseer vir opname in die 2018 provinsiale span.