Eiland-rolbal se Sitrustoernooi ’n sukses
Die Eiland-rolbalklub het verlede week vanaf 5 tot 10 Augustus die jaarlikse Sitrustoernooi aangebied .
![](https://images.caxton.co.za/wp-content/uploads/sites/113/2024/08/SITRUS-2-780x470.jpg)
Dit was die klub se eerste poging om die toernooi oor vyf dae aan te bied en 80 rolbalspelers het in spanne van vier deelgeneem. Elke span het oor twee dae ses wedstryde gespeel om vir die beker- of die plaatafdeling te kwalifiseer. Saterdag het agt spanne meegeding vir die beker, terwyl ses spanne aan die plaatafdeling deelgeneem het.
Die wenners van die bekerafdeling is Jacques Esterhuysen, Wynand van Heerden, Jackie van Heerden, en Esmé Esterhuysen. Keith Alexander, Edgar Phillips, Netta Alexander en Rosa Phillips het tweede plek gevat en Danie Fisher, Adéle Snyman, André Snyman en Elsabé Fisher is in die derde plek in die bekerafdeling.
Lees ook: Eilanders laat rolballe sing op borgdag
“Ons is dankbaar teenoor elke speler wat aan die toernooi deelgeneem het. Die klub beoog om volgende jaar aan 112 spelers, dit wil sê 28 spanne, geleentheid te bied om deel te neem,” sê Johan Scheepers. Verversings is deur Eiland Spa-restaurant verskaf. Verversings is deur Eiland Spa-restaurant geleentheid te bied.
Die klub het Midzividzi Garage, Helen de Beer, Callie Erasmus, Koos van Wyk, André en Adéle Snyman, Gustav van Veijeren Boerdery, Gubitz Boerdery, Van Heerden Apteek (Tzaneen), ATKV Eiland Spa, Marietjie Bodenstein, Miami Canners, Elize Malan en Komati Groep vir hul borgskappe bedank.