Letaba se eerstes wen Musina wegwedstryd
Letaba-rugbyklub se eerste span het die afgelope naweek na Musina gereis vir 'n vriendskaplike wedstryd tydens 'n rugbydag wat deur Musina rugbyklub-aangebied is.
![](https://images.caxton.co.za/wp-content/uploads/sites/113/2024/04/Sport-11-1.jpg)
Die manne van Letaba het teen die gasheerspan gespeel en het die wedstryd baie goed begin. Du Toit Hartzenberg het in die eerste 15 minute van die wedstryd vinnig twee drieë gedruk, maar is kort daarna van die veld af met ‘n dyspierbesering.
Bernard van der Schyff en Clemens Mushwana druk elkeen ‘n drie en Wynand van Niekerk slaag in een doelskop en een strafskop. Letaba wen die kragmeting met 25-19. Theo Mare word as die speler van die wedstryd aangewys en die spankaptein, Picasso Coetzer meen dat Damien Brass en Jean Pretorius Saterdag ook ‘n goeie dag op die veld gehad het.
Lees ook: Letaba reg vir lang pad na Musina
Voor die liga op 13 April begin sal Letaba ‘n laaste vriendskaplike wedstryd by Louis Trichardt-rugbyklub se Conway-rugbydag speel. Twee spanne sal in aksie wees teen spanne van Musina.
Die liga skop daarna af met wegwedstryde teen Potties op 13 April en tuiswedstryde teen Noordelikes op 20 April. Om saam met Letabarugbyklub te oefen, skakel Bennie Kruger by 083 635 1731, Dippies de Beer by 078 538 3508 of Carel O’Neill by 079 693 2292.