Volgens Rouan Snyman van die Letaba Brand Beheervereniging (LFPA) is hulle Vrydag omstreeks 10:00 geskakel met die nuus van ‘n brand wat in die Olyfberg-omgewing ontstaan het.
Hy sê dat die LFPA se lughulpbronne is onmiddellik “geaktiveer” en twee Bell Huey-helikopters en Cessna-spotter-vliegtuie is ontplooi.
“Omdat die brandseisoen amper op ‘n einde is, was baie mense verbaas oor hoe vinnig en intens die vuur gebrand het. Die bedreiging van die plantasies op die rant van die brandende gebied het almal bekommerd gehad, maar goeie kommunikasie en uitstekende spanwerk het die vlamme beheer om nie die plantasies te bereik nie,” het Snyman aan die Herald gesê.
Hy sê die spotter-vliegtuig het verder berig van nog ‘n brand wat net bokant Kurisa Moya begin het en wat besig was om teen die berg af te hardloop.
“Een van die helikopters het ‘n paar watersakke op dié vlamme laat val om om die verspreiding te vertraag tot en met grondbemanning kon opdaag om dit te monitor.
Lees ook: Kruger National Park prepares for fire season
“Die vliegtuie het Vrydag sowat ses ure gevlieg en grondspanne het tot in die vroeë oggendure van Saterdag gewerk,” sê Snyman.
“Die baie steil terrein, min toegangspaaie en toegegroeide wilde plantegroei het die bestryding erg bemoeilik.
“Ons het grondverskuiwingsmasjiene geposisioneer om rondom woonhuise skoon te maak en helikopters is gebruik om “nat lyne” om die strukture te gooi en ook om die vlamme naby die grondspanne te beheer.”
Hy sê Sondag se intense hitte, baie lae humiditeit en windrigtings wat onvoorspelbaar was, het almal weer laat bontstaan.
‘n Derde helikopter is Sondag vanaf Mpumalanga ingetrek om ook te help.
“Met geen toegang tot die terrein, die warm weerstoestande en massiewe brandstoflading op die grond, was die enigste manier om hierdie vuur te blus om dit met ‘n ander vuur te beveg.
“Nadat alle betrokke partye ooreengekom het, is ‘n lang voorkomende stuk op die rant na die Houtbosdorp-teerpad gebrand.
“Dit het ‘n massiewe rookwolk laat ontstaan wat Sondagmiddag na die weste gesien kon word.”
Hy sê die plan het goed gewerk en die vlamme wat opdraand beweeg het, kon gestop word.
“Die brandspanne het weer eens tot in die vroeë oggendure gewerk,” sê hy.
Op Maandag 10 Oktober het dinge baie beter gelyk met ‘n mate van humiditeit in die lug.
Nog ‘n brandpad is in die vallei af gebrand om te verseker dat die brand nie verder versprei nie.
Grondeienaars, waaronder ZZ2, het Dinsdag gesê hulle is verlig dat die weer Dinsdag koeler was.
Johannes Grobler, ‘n boer op Houtbosdorp het gesê dat ‘n groot gedeelte van die Houtbosvallei het afgebrand. “Die groot vuur was aan die Olyfbergkant. Die ergste was die rook as die wind wes gewaai het,” het hy gesê.
Lisa Martus van Kurisa Moya het ook bevestig dat die brand op hul eiendom was.
“Ons vermoed dat ongeveer 1800ha oor die totale tydperk gebrand het. Gelukkig het geen strukture, plantasies of enige vee gebrand nie.
“Die LFPA wil hul lede en grondeienaars bedank wat gehelp het.
Ons wil ook dankie sê aan ons vlieëniers wat hul lewens op die spel geplaas het om die vuur uit die lug deur die digte rook en intense hitte te bestry,” het Snyman gesê.
