Paul Bester, ‘n gewese lugmag vlieënier, het in 2006 in syspaartyd by die LFPA brandbestryding met ‘n Alouette helikopter gedoen voor hy in 2008 met Bell Huey helikopters begin vlieg het.
Aan die einde van 2008 het hy uit die lugmag bedank en vir die destydse FFA (Forest Fire-fighting Association) gevlieg.
In die wintermaande was hy in Tzaneen by die LFPA gestasioneeren tydens die somermaande in die Kaap.
WATCH: VIDEO: Watch as Tzaneen fire-rescue rushes of to assist #KnysnaFire
Buiten die 100 ure wat hy met die Alouette gevlieg het, het hy ‘n bykomende 1 000 met die Bell Huey helikopter gevlieg tydens sy brandbestrydings dae. Buiten die helikopters vlieg hy ook vaste vlerk vliegtuie en sy persoonlike Gyrocopter.
Paul het die posisie as permanente vlieënier by ZZ2 aanvaar. Maar, hy sal steeds op ‘n deeltydse basis beskikbaar wees om vir die LFPA tevlieg.
Paul was die langsdiendende helikopter vlieënier by die LFPA. Hulle wens hom alle sterkte toe en sien daarna uit dat hy die LFPA nog af en toe gaan help met brandbestryding.
Die LFPA het steeds twee helikopters vir die komende brandseisoen beskikbaar, maar daar is nog geen amptelike besluit geneem oor wie Paul gaan vervang nie.