Die Leeu wat vermoedelik uit Letaba Ranch ontsnap het, is volgens gerugte tans in die Selwane omgewing.
Lees: Lion on the loose close to Phalaborwa
Drew Abrahamson, eienaar van Captured in Africa, het vanoggend aan Letaba Herald vertel dat ‘n helikopter Dinsdag, 23 Mei vir sowat ‘n uur na die leeu gesoek het sonder sukses.
‘Die soektog was onsuksesvol. Die helikopter was vir ongeveer ‘n uur in die lug maar kon slegs ‘n karkas van ‘n donkie wat die leeu beetgekry het opspoor,’ luidens Abrahamson.
Die karkas is volgens Abrahamson in ‘n droë deel van die Letaba Rivier gekry.
Natuurbewaring het streng opdrag aan bewaarders gegee om nie die dier van kant te maak, sou hy gekry word nie.
Inwoners van die omgewing is gewaarsku om op die uitkyk te wees vir die rondloper-leeu en om bedag te wees.
‘Die gemeenskap, sowel as die boer van wie se plaas die leeu ontsnap het, is in hierdie stadium baie bereidwillig om te help met die soektog na die leeu sodat hy veilig en lewend gevind word,’ het Abrahamson aan Letaba Herald gesê.
Verskeie omgewingsbewuste organisasies het hulle gewend tot sosiale media ter ondersteuning vir die behoud van die leeu.
Letaba Herald hou ons lesers op hoogte na die soektog van die leeu.
Lees ook:
Last escaped Kruger lion most likely found his way across N4
Man mauled by lions close to Phalaborwa
