“Die dag was `n groot sukses en dit was lekker om te sien hoe die gemeenskap bymekaar gekom het en `n wesenlike verskil in hulle omgewing aangebring het,” sê Lizandra Viviers, sekretaresse en projek koördineerder.
Die skoonmaak projek sluit onder andere in:
Visnette wat onwettig in die dam gebruik word om visse op grootskaal uit te vang en dit te verwyder.
Die projek is gedoen in samewerking met Letaba Bassmasters, wat 4 bote beskikbaar gestel het vir die projek.
Hierdie is in samewerking met natuurbewaring gedoen.
Die vissermanne op die bote het sakke vol vullis uit die dam gehaal.
Die ontspanningsterrein, wat in `n baie vuil toestand is, is deur jeug en vrywilligers skoongemaak.
Die vullis is opgeruim in samewerking met Wolkberg Akademie. 75 vullishouers is geborg deur HK Houers.
Dwelm areas in die omgewing is gefynkam deur plaaslike sekuriteit.
Dit volg nadat daar visgevang word deur onwettige visvangnette te gebruik en onhigiëniese toestande onder Tzaneen se AfriForum bestuur gebring is.
“AfriForum wil dankie sê aan elke tak-lid, organisasie en vrywilliger wat gehelp het om die dag moontlik te maak. Ons sal wil bou op hierdie lootsingsprojek en dit in die toekoms nog groter en sterker uitbrei,” sê Pieter Venter, voorsitter van die AfriForum-tak in Tzaneen.
Die borge wat betrokke was en AfriForum se Tzaneen tak gehelp het om die dag moontlik te maak: Letaba Bassmaster, Wolkberg akademie, Hk Houers en Kingland Farming.
Diegene wat betrokke wil raak by AfriForum se Tzaneen-tak kan hul “naam en van” na 45340 SMS (R1).
Mense het al menigte kere gevra hoekom Tzaneen die dorp van die jaar moet wen en die is een van die groot redes daarvoor.
Tzaneen het wonderlike instansies wat nog omgee en wel ‘n verskil maak.
