Wilde woeste wind en weer in KNP

'Die wind waai ons weg in die wildtuin maar dit het ook baie lekker gereën.'

January 17, 2017

Bertus de Bruyn 1 minute read

So het ‘n toeris vanoggend in die Kruger Nasionale Park (KNP) aan Letaba Herald vertel.

‘Die wind waai baie erg van laasnag af, en hy waai nou nog. Dit is regtig ‘n koue sterk Kaapse wind, en dit is koud,’ het sy vertel.

Heerlike reën het ook glo uitgesak oor die laaste week in die wildtuin.

‘Ons het so 80mm gemeet hier in Letaba, ons is so dankbaar. Alles is mooi en groen en ruig.’

Volgens haar het die reën nou opgehou, Dit is steeds bewolk, maar die wind waai glo sterk.

So waai die wind en is dit lekker bewolk en koud in die wildtuin.

Dit blyk dat die vreemde weerverskynsel almal aan die praat het in Suid Afrika.

Die gewilde Facebook groep, met bykans 90 000 lede, Reënval Suid Afrika, het al die lede aan die gons.

Een van die lede, Shane-Marie Van Heerden het die volgende gesê: ‘Ek is nie veel van n kenner nie maar my gut feeling sê sodra daai die koue en die vogtigheid by mekaar kom het ons baie baie reën en soos ek lees reën dit reeds aan die kus in die ooste. En daar is besig om sterker sikloon agte patrone oor Mosambiek te form. Dit laat my dink aan 2000 se vloede.

Weet iemand dalk wat die vreemde koue in ons midde veroorsaak?

Lewer gerus kommentaar onder die artikel as jy ‘n weerkenner aldan nie, is.