Inwoners regoor die gebied het die vibrasies gevoel.
Volgens die Raad vir Geowetenskappe se webtuiste was daar ‘n aardbewing vroeg Donderdagoggend om omstreeks 06:53.
Die omvang van die aardbewing het 1.9 op die richterskaal geregistreer, die diepte was 5.0km en die lengtegraad 3.3km.
Die aanvanklike vermoede was dat dit ondergrondse ontploffings by die Maranda myn kon wees.
Maar volgens inwoners is dié myn al vir ‘n geruime tyd nie ‘vreeslik bedrywig’ nie.
Letaba Herald kon nie kommentaar by die myn kry na talle pogings nie..
Michelle Grobbelaar, van die Raad vir Geowetenskappe het gesê, ontploffings sal nie dadelik ‘n aardbewing veroorsaak nie, dit plaas egter spanning op die ondergrondse rotslae wat later in voelbare vibrasies kan ontaard.
Sy het bygevoeg dat dit hoogs onwaarskynlik is dat ‘n myn so vroeg in die oggend sal begin skiet.
Al die bewyse dui daarop dat dit ‘n aardbewing was.
