Dinamus gholfdag uiters suksesvol

DINAMUS Verrykingsentrum vir kinders met leergestemdheid het op 31 Oktober ‘n uiters suksesvolle gholfdag aangebied by Fairview se syfer 3 baan.

Die dag was groot pret met allerlei spesiale reëls soos spelers wat se aantal stokke beperk is, op 1 putjie slegs ‘n setstok mag gebruik het, op ‘n ander putjie met een arm en ‘n oogklap moes afslaan, ensomeer.

Sommige spelers het selfs vir die geleentheid in volledige Skotse gewaad kom gholf speel.

Daar was ook lekker pryse op die spel en die uitslae is soos volg:

1e plek – Bennie Kruger en Gideon Botha (bergfiets elk)

2e plek – Gert en Christelle vd Merwe (drywer, 5 hout en hybrid elk)

3e plek – Michael du Plessis en Theunis Botha (R500 geskenkpak elk)

Naaste aan pen – Gert vd Merwe (Parker pen/potlood stel)

Naaste aan pen na dryf met setstok – Carel Buitendag (setstok)

Reguitste dryf met oogklap en een arm – Gawie du Plessis (R500 geskenkpak)

Bes geklede span – Lona Sitrus (geskenkpak elk)

Meeste golf – Cornel v Schalkwyk en Maurice Schwarts (hybrid en ‘n geskenkbewys vir die “Driving Range” elk).

Dinamus bedank alle borge en lede van die gemeenskap vir hulle ondersteuning. Vir navrae of skenkings aangaande Dinamus Verrykingsentrum skakel die hoof, Charmaine Fourie by 0828554415.