Die spanne was slaggereed en uitgehonger vir die wedstryde.
Die junior dogterspanne het die ys gebreek en albei spanne (o.14A en o.15A) het geseëvier.
Die spanning het hoog geloop met die aanvang van die eerstespanwedstryd.
Die Vossies het begin en onmiddellik ‘n sterk aanvallende wedstryd gespeel.
Die eerste doel is deur die Vossies se kaptein (Zoë Bergmann) aangeteken.
Die halftydtelling was 1-0 in die Vossies se guns.
Lees ook: TZANEEN:Ben Vorster wins the Limpopo Coca-Cola® T20 Schools
Met die aanvang van die tweede helfte het die Vossies hul spelpatroon op die Plasies afgedwing en daar is nog twee doele aangeteken deur Joalize Smit en Zoé Bergmann.
Die Vossies het die wedstryd 3-0 gewen. Die uitslae was as volg: o.14A – Vossies 3 – Plasies 1.
o.15A – Vossies 1 – Plasies 0. o. 16A – Vossies 2 – Plasies 2 Tweedespan – Vossies 0 – Plasies 2.
Eerstespan – Vossies 3 – Plasies 0. Die vorige week, op Vrydag 7 Mei het die Vossies hul eerste ligawedstryde teen Stanford Lake College gespeel.
Ook hier was die Rooimasjien goed op dreef en het die doele laat klap.
Die Vossies het 24 doele teen Stanford aangeteken. Nie ‘n enkele doel kon teen die Vossies aangeteken word nie.