Hoërskool Merensky deel dosyne pryse uit vir presteerders
Die 2020 akademiese-, kultuur- en uitsonderlike sportprestasie-prysuitdeling van Hoërskool Merensky het op 15 April in die Byekorf tydens twee sessies plaasgevind.
![](https://images.caxton.co.za/wp-content/uploads/sites/113/2021/05/P7-6-Medium-780x470.jpg)
Behalwe dat tientalle leerders vir 2020 se akademiese prestasies vereer is tydens hierdie spoggeleentheid, is ‘n verskeidenheid spesiale toekennings is ook gemaak.
Die pryse is deur Magnus Steyn, skoolhoof, oorhandig.
![](https://images.caxton.co.za/wp-content/uploads/sites/113/2021/05/P7-7-Medium-520x345.jpg)
Anika du Toit verwerf die junior landbou-ambassadeurstrofee. Ruzanne Koekemoer was die beste junior en Keynan Fox die beste senior redenaar.
![](https://images.caxton.co.za/wp-content/uploads/sites/113/2021/05/P7-8-Medium-520x345.jpg)
Donia Smit is die junior victrix ludorum en Amelia Booth die senior victrix ludorum vir hul swemprestasies in 2020.
![](https://images.caxton.co.za/wp-content/uploads/sites/113/2021/05/P7-5-Medium-520x345.jpg)
Die Adopt-a-geniustutor van die jaar was Joné du Toit met meer as 60 ure diens.
Akademiese erepennings is aan die top 3 leerders in elke graad toegeken.
![](https://images.caxton.co.za/wp-content/uploads/sites/113/2021/05/P7-1-Medium-520x345.jpg)
Vir einde graad 8 het Meliné Roux brons ontvang met ‘n 90% gemiddeld.
Lees ook: Makelaar bou voort op nalatenskap
![](https://images.caxton.co.za/wp-content/uploads/sites/113/2021/05/P7-2-Medium-520x345.jpg)
Keira Booth ontvang silwer met ‘n 94% gemiddeld en Ramona van Heerden se 95% besorg aan haar die goud en die graad 8 Dux-trofee.
![](https://images.caxton.co.za/wp-content/uploads/sites/113/2021/05/P7-3-Medium-520x345.jpg)
Nic de Beer en Zahraa Khan het vir einde graad 9 brons ontvang (90% gemiddeld), Tylor Nel silwer (92% gemiddeld) en Drikus du Toit goud (94% gemiddeld).
Drikus ontvang ook die graad 9 DUX-trofee.
In die 2020 graad 10-groep het Janke Joubert brons ontvang (86% gemiddeld), met Ilanie de Bruyn en Luané Maré wat met goud (88% gemiddeld) en die Dux-trofee wegstap.
![](https://images.caxton.co.za/wp-content/uploads/sites/113/2021/05/P7-4-Medium-520x345.jpg)
In graad 11 het ‘n 87% gemiddeld aan Charlize Krause die brons erepenning besorg, terwyl Mariesa Schutte se 90% gemiddeld silwer werd was en Emma Dalrymple-Hay (hierdie jaar se hoofdogter) spog met die goud en die Dux-trofee met ‘n gemiddeld van 92%.
Spesiale vaktoekennings is ook gemaak aan Kishan Patel vir sy 89% in Informasietegnologie en Emma Dalrymple-Hay vir beide Wiskunde en Fisiese Wetenskappe met 95%.