Tzaneen se damvlak wek kommer
Die vlak van die Tzaneendam is ‘n groot bron van kommer en streng waterbeperkings lyk onafwendbaar.
Die dam was Dinsdag 45,18% vol teenoor die 45,45 van die vorige week, dis volgens die Departement van Water en Sanitasie. Met ons reenseisoen amptelik verby gaan die tempo waarteen die watervlak daal net toeneem.
Boere wat afhanklik is van die Tzaneendam vir besproeiing gebruik verstaanbaar meer water in die winter en in die lente pomp hulle maksimaal om ‘n goeie oes te verseker. Verlede jaar dieselfde tyd was Tzaneendam ongeveer 68% vol.
Lees: TZANEEN: Questions arise over construction of dam wall
Die Ebenezerdam staan tans op 92%.
Die gemiddelde damvlakke in Limpopo staan tans op 73,8% teenoor die gemiddeld van 90% verlede jaar. Streng waterbeperkings is gewis ons voorland.
Die enigste vraag is wanneer en hoe streng.
Die boere is reeds onderhewig aan beperkings en indien almal nie daadwerklik water bespaar nie kan dit katastrofiese gevolge vorentoe inhou. Die Nandonidam naby Malamulele is tans op 101% terwyl damme in die Olifantsrivier gemiddel 1% hoer is as verlede jaar op 75%.
