James Vorster, ‘n graad 10-leerder van die Hoërskool Ben Vorster, het van 1 – 3 Oktober te Rustenburg aan die SA-Hoërskole gholfkampioenskap deelgeneem. Daar was 75 spelers en James het ‘n 38ste plek behaal. James het ook aan die Limpopo Junior Ope vanaf 5 – 8 Oktober te Polokwane deelgeneem waar hy ‘n tweedeplek in die “strokeplay”, wat oor vier rondes gespeel is, behaal het en hy het ook die kwarteindronde in die “Matchplay” behaal.
‘n Graad 12 leerder, Muzi Nyakane, van die Hoërskool Ben Vorster, is deur die Blou Bulle gekontrakteer om volgende jaar vir hulle O/19 span te speel. Muzi het hierdie jaar ook vir die O/18 Statebond sewesspan, tydens die Statebond jeugspele rugby gespeel.Tharischca van der Walt, ‘n leerling van die Hoërskool Ben Vorster, het Limpopo die afgelope vakansie tydens die Nasionale Kamioenskap vir Western Mounted Games, wat in Parys plaasgevind het, verteenwoordig. Sy het in die SANESA-skole afdeling, Level 1, vierde uit 30 ruiters geëindig. In die ope afdeling, Level 2, het sy ‘n 54ste plek uit 78 ruiters behaal.