Proties se o11A-hokkiebokkies is kampioene!

Laerskool Protearif se o11A-hokkiedogters is as die Wes-Gauteng ligawenners gekroon.

Skyler Hockey, Ella Dempers, Inezme Saunders, Tia Goosen (afrigter), Janeske Smith, Mikayla Montgomery, Alyssa Eksteen, Eldone Bosch, Mikayla Visser en Caylee Coetzee nadat hul die liga gewen het.

Laerskool Protearif se o11A-hokkiedogters is amptelik die kampioene van die D2 Gauteng-Wes Liga.

Proties hokkieafrigter, Tia Goosen, het gesê die titel is gewen ná ‘n spannende sege van 4–2 oor Laerskool Krugersdorp-Noord in die eindstryd wat by Hoërskool Monument plaasgevind het.

“Die telbord het eers 0-elk gelees en toe was daar ’n agt sekonde-uitspeeltyd waar ons vier doele teen twee aangeteken het,” vertel Tia opgewonde.

“Ons wens hierdie meisies geluk en alle voorspoed vir die toekoms. Ons is so trots op hulle.”