Schools
Norie-krieketspeler gekies vir Gauteng
Vir 'n Norie het jare se harde werk vrugte afgewerp toe hy tot die provinsiale span verkies is.
![](https://images.caxton.co.za/wp-content/uploads/sites/2/2023/11/IMG_4828-Medium-rotated-e1700209628755-768x470.jpg)
Laerskool Krugersdorp-Noord se Eduart Maritz is onlangs gekies om deel te wees van die Gauteng Krieketspan.
Eduart is tydens vanjaar se Gauteng-Wes kriekettoernooi geïdentifiseer om aan verdere proewe deel te neem. Daar is hy toe vir die Gauteng-span gekies.
Hy sal ook in Desember aan ‘n toernooi deelneem waar 20 spanne van verskillende provinsies teen mekaar gaan meeding.
Eduart werk nou al sy hele laerskool-loopbaan aan sy krieket-vernuf en gaan nou uiteindelik sy provinsie verteenwoordig.
“Noordskool wens Eduart baie sterkte toe vir die res van sy krieketseisoen wat voorlê,” het die skool in ‘n verklaring gesê.