Help so vir kleine Janelle
Volgens dokters is daar niks meer wat hulle vir klein Janelle Volschenck kan doen nie maar haar ouers glo dat hulle in die Kaap hulp sal kan kry, indien hulle die fondse bymekaar kan kry om daar uit te kom.
![](https://images.caxton.co.za/wp-content/uploads/sites/2/2023/09/2d6d9c97-b32f-496f-8_63014_tn.jpg)
Vroeër die week het die Krugersdorp News verslag gelewer oor die twee-jarige Janelle Volschenck wat met ‘n hart defek gebore is. Nadat so baie gemeenskapslede uitgereik het om te vra hoe hulle kan help wil die News graag haar fondsinsamelings-blad deel.
Die dogtertjie is met ‘n pulmonêre atresie en interventrikulêre defek gebore. Hierdie tipe atresie beteken dat die pulmonale klep en sy takke baie klein is, of selfs nie bestaan nie. Sy het ook ‘n onderontwikkeling van haar regter uitvloei hartkanaal en arteriese pulmonêre klep.
• Lees ook: Klein Janelle veg elke dag vir haar lewe
Nadat sy talle hospitale besoek het is daar eindelik vir haar familie gesê dat dokters haar nie kan help nie. Haar ma, Riekie van der Merwe, het vertel dat hulle Kaap toe wil gaan om te kyk of daar nie dalk ‘n hospitaal of dokter is wat bereid is om hulle te help nie.
Die storie op die News se sosiale media blaaie het duidende mense aan die hartsnare getokkel en soveel het navore gekom met bemoedigende boodskappies om die familie te help.
Haar familie het vir haar ‘n fondsinsamelings-blad geopen sodat enigiemand wat wil vir haar donasies kan gee. Besoek gerus die blad by https://www.backabuddy.co.za/champion/project/janelle-volschenk-5692275072404729423 om meer inligting te kry.