Elf bejaardes van die La Reynette Bejaardesorgsentrum is deur Absa se Voertuig- en Batefinansieringstak met Kersgeskenke bederf.
Sanet Ferreira, die persoonlike assistent van Blackie Swart (Absa se Voertuig- en Batefinansiering Streekbestuurder) het gesê Absa loods kwartaalliks ‘n projek wat deel vorm van die maatskappy se Korporatiewe Sosiale Belegging waarvan hierdie een is.
“Ons soek elke kwartaal instansies en behoeftiges aan wie ons ondersteuning kan bied.”
Verversings is ook aan elkeen van die bejaardes beskikbaar gemaak.
Blackie het gesê as ‘n gemeenskap hande vat kan daar meer vir die gemeenskap gedoen word.
Tienke Bosher van die bejaardesorgsentrum het gesê hulle is baie dankbaar vir Absa se uitreik.
Sanet bedank graag al Absa se personeel, dr Charl Venter en sy personeel, asook verskeie ander individue en die Protearif Gastehuis.
