Vier Jeuglanders neem aan SA’s deel

Die kampioenskappe het tydens die vakansie plaasgevind.

Hoërskool Jeugland se atlete wat aan die SA's deelgeneem het, is Chandi Mulder, Heinie Flooks, Diwan Britz en Jessica Swart.

Vier Jeuglandatlete het die vakansie aan verskeie Suid-Afrikaanse kampioenskappe deelgeneem.

Jessica Swart, Chandi Mulder en Diwan Britz het aan die Suid-Afrikaanse klubkampioenskappe in die Kaap deelgeneem.

Jessica was sewende in die driesprong o-17 met ’n afstand van 10.51m. Chandi was sesde in die spiesgooi o-17 met ’n afstand van 39.33m.

Diwan het in die verspring o-19 vyfde gekom met ’n afstand van 7.04m.

Heinie Flooks het in Port Elizabeth aan die Suid-Afrikaanse skolekampioenskappe deelgeneem waar hy sy uitdunne gewen het in die 110m hekkies o-17. Heinie was vierde in die finaal.