Kempie-kolwers moker vier honderdtalle
Die eerste span het Oosterlig met 199 lopies geklop.
Hoërskool Kempton Park se krieketspanne het die afgelope week met al hul teenstanders afgereken.
Die eerste span het Oosterlig met 199 lopies geklop.
Kempies het 313/10 aangeteken, met Zander Smit wat 102 gemoker het. Oosterlig is daarna vir 114 uitgeboul.
Justin Bennett het in 9.5 beurte 5/13 gevat.
Die o-15A span het met beide Oosterlig en Jeugland afgereken. Teen Oosterlig het Kempton 385/3 aangeteken, wat honderdtalle deur Christiaan Conradie (141) en Nico Pieters (142) ingesluit het. Oosterlig was vir 60 terug in die pawiljoen om Kempton ‘n 325-lopie oorwinning te besorg.
Die span het Jeugland met 101 lopies geklop. Kempies het 225/2 behaal met Ruan Janse van Rensburg wat 146 geslaan het. Jeugland kon slegs 104/7 aanteken. Die tweede span het Randburg met 10 lopies gewen.
Landloop Noordvaalkampioenskappe: junior meisies agtste, junior seuns sewende, senior meisies agtste en senior seuns negende. Die meisies en seuns was albei algeheel agtste.
Rugby 7’s Valke-toernooi: o-15 wen Voortrekker 45-0, Stoffberg 49-7, Hans Moore 48-0, Jeugland 31-0 en Hugenote 33-0. Kempies verloor teen Dr EG Jansen 0-14.
o-17 wen Voortrekker 21-0, Stoffberg 45-5, Hans Moore 33-5, Jeugland 47-0 en Hugenote 19-15. Kempies verloor teen Dr EG Jansen 12-28.
Albei spanne het derde gekom.
Fietsry: Drie bergfietsryers het Saterdag aan die Garmin Classic naby Irene deelgeneem: meisies o-14 Jaydin Gerber tweede, seuns o-14 AJ Smith sesde en seuns o-16 Jayden Smith vyfde. Jayden was ook algeheel agtste uit die 538 fietsryers wat deelgeneem het.
Hokkie binnemuurs: o-14 wen Boksburg High 3-1, o-16 verloor teen Heidelberg 1-2 en o-18 wen Norkem Park 7-3.
Netbal Fast 5-liga: o-14 wen Hugenote 22-11 en Stoffberg 36-3; o-15 wen Nigel 31-4; o-18 span 1 wen Die Anker 23-10, Stoffberg 27-12, John Vorster 34-5 en Hugenote 26-14; o-18 span 2 wen Hugenote 33-1, John Vorster 30-19, Stoffberg 30-4 en Die Anker 25-6.
Muurbal: Kempies 1 wen Shangri-La 1 9-6, Kempies 5 verloor teen Springs Boys 1 0-12; Kempies 2 wen Kempies 4 12-2; Kempies 4 verloor teen Shangri La 2 5-12, Kempies 3 wen Kempies 2 9-8.
