Swartbalspelers sê mekaar die stryd aan op Ermelo
Al vyf spanne van Full Moon Cue Sportklub het die naweek op Ermelo gespeel.
![](https://images.caxton.co.za/wp-content/uploads/sites/93/2018/07/snoeker-3.jpg)
Die agtste ronde van die Swartballiga het Sondag, 15 Julie op verskeie dorpe in die omgewing plaasgevind.
Al vyf spanne van Full Moon Cue Sportklub het die naweek op Ermelo gespeel. Met slegs drie rondes oor voor die uitklopronde begin, het die spanne hard geveg vir elke punt.
Full Moon 1, 2 en 3 het teen drie spanne van Gringo’s Klub van Hendrina gespeel, terwyl Full Moon 4 en 5 mekaar die stryd aangesê het.
![](https://highvelder.co.za/wp-content/uploads/sites/93/2018/07/snoeker-1-520x400.jpg)
Die uitslae vir die naweek is:
Full Moon 1 het Gringo’s 1 en 2 met 6-3 geklop, maar in ’n naelbyt wedstryd 4-5 teen Gringo’s 3 verloor. Full Moon 2 het al drie hul wedstryde teen Gringo’s 1, 2 en 3 met 4-5 verloor.
Full Moon 3 het hul wedstryd teen Gringo’s 1 met 2-7 verloor, teen Gringo’s 2 met 1-8 verloor en hul laaste wedstryd teen Gringo’s 3 net-net met 4-5 verloor. Full Moon 4 het teen Gringo’s 7 se span verloor met ’n telling van 3-6 en Full Moon 5 met 5-4 geklop. Full Moon 5 het 3-6 verloor teen Gringo’s 7 se span.
![](https://highvelder.co.za/wp-content/uploads/sites/93/2018/07/snoeker-2-520x400.jpg)
Spelers wat besonder goed gevaar het tydens die liga, is Hein Heine van Full Moon 1 se span wat agt uit nege wedstryde gewen het.
Charles Wahlstrand van Full Moon 1 het vyf uit nege wedstryde gewen, Dylan MacFarlane (Full Moon 4) en Jaco Vermeulen (Full Moon 5) het albei vier uit ses wedstryde gewen.
Die volgende wedstryde vind Sondag, 22 Julie plaas. Full Moon 1, 2 en 3 speel op Ermelo, terwyl Full Moon 4 en 5 op Hendrina by Gringo’s se klub speel.
![](https://highvelder.co.za/wp-content/uploads/sites/93/2018/07/snoeker-4-520x400.jpg)