Veronica Wahlstrand mik om haar blou kleurbal net-net te raak en die wit bal agter die kleurbal te los om haar teenstander in ’n snoeker te laat.
Die swartballiga is goed op dreef met ronde ses wat Sondag, 10 Junie op verskeie dorpe in die omgewing plaasgevind het.
Full Moon 1, 2 en 3 van Ermelo het tuis teen mekaar sake uitgespook, terwyl Full Moon 5 op Middelburg by Bro’s Pool Klub meegeding het.
Die uitslae vir die naweek is as volg:
Full Moon 1 klop Full Moon 2 met 8-1 en het ook hul wedstryd teen Full Moon 3 met 7-2 gewen.
Full Moon 2 het Full Moon 3 met ’n telling van 5-4 geklop.
Full Moon 5 het albei hul wedstryde teen Bro’s 4 en Riverbank 2 met ’n telling van 3-6 verloor. Spelers wat besonder goed gevaar het, is Hein Heine en Charles Wahlstrand van Full Moon 1 wat ses uit ses wedstryde gewen het.
JP Joubert (Full Moon 2) en Veronica Wahlstrand (Full Moon 1) het drie uit ses wedstryde gewen.
Die volgende ligawedstryde vind op 1 Julie plaas, waartydens Full Moon 1, 2 en 3 op Secunda teen Panda’s se spanne te staan kom en Full Moon 4 en 5 gaan op Middelburg die spanne van Bro’s die stryd aansê.
Willie Jooste van Full Moon 2 skiet die geel kleurbal in die hoeksak sodat sy wit bal reg lê vir die volgende geel bal.
Henk Vermeulen van Full Moon 3 lê aan om een van sy teenstander se kleurballe tydens ’n vryskoot te pot en die hoeksak oop te maak.
Veronica Wahlstrand wat die naweek vir Full Moon 1 gespeel het, konsentreer om haar blou kleurbal verby die swart bal te sny en in die middelsak te pot.
JP Joubert lê aan om die blou bal voor die middelsak te plaas om sy teenstander te blok om ’n bal te pot.
Hein Heine van Full Moon 1 lê aan om sy kleurbal in die middelsak te pot deur die bal eers teen die kussing vas te skiet.
Jaco de klerk van Full Moon 3 mik om sy wit bal verby die geel bal te speel om so sy kleurbal in die middelsak te pot.
Hein Heine van Full Moon 1 konsentreer om sy blou kleurbal in die hoeksak in te sny tydens die naweek se ligawedstryde op Ermelo.
Jan Oosthuizen van Full Moon 2 lê aan om die blou kleurbal te pot tydens die naweek se ligawedstryde op Ermelo.
Jan Oosthuizen konsentreer om sy kleurbal voor die hoeksak te plaas en sy wit bal agter een van sy blou kleurballe te plaas om sy teenstander in ’n snoeker te plaas.
Charles Wahlstrand konsentreer om die blou kleurbal teen die kussing te slaan sodat hy in die middelsak pot tydens die afgelope naweek se ligawedstryde.
Jaco de Klerk lê aan om sy geel kleurbal met ’n lang skoot in die hoeksak te pot tydens die afgelope naweek se ligawedstryde op Ermelo.
Willie Jooste mik om die swart bal in die hoeksak te pot tydens die afgelope naweek se liga op Ermelo.
Veronica Wahlstrand mik om haar blou kleurbal net-net te raak en die wit bal agter die kleurbal te los om haar teenstander in ’n snoeker te laat.
