Ermelo Ringbalklub vaar goed tydens die Gert Sibande Proewe

Ermelo Ringbalspelers haal verskeie Gert Sibande spanne

Lede van die Ermelo Ringbal klub is (voor) Charlie Groenewald, Driekie van Nieuwenhuizen, Dries Smit, Delina Smit en Michael van Nieuwenhuizen. Agter is Elmarie Marais, Alice Smit, Evette Groenewald, Carla Klaasen, Olivia Thirion, Annieka van Eck, Debbie du Preez, Zandra van der Merwe en Catie van den berg.

Ermelo Ringbalklub het onlangs aan die Gert Sibande-proewe op Ermelo deelgeneem.

Agt van die klub se spelers het onderskeie Gert Sibande-spanne gehaal.

Delina Smit, Zandra van der Merwe, Driekie van Nieuwenhuizen en Debbie du Preez het die vroue A-span gehaal, terwyl Alice Smit en Catie van den Berg by die meester vroue span ingesluit is.

Annieka van Eck het die vroue B-span gehaal en Dries Smith die mans A-span.

Die spelers neem van 1 tot 7 Julie aan die nasionale kampioenskap in Pretoria deel.

Die klub het hul borge, Nashua Ermelo, Mpumalanga Brick & Crete en Hinterland wat die jaar moontlik gemaak het, bedank.