Erries geniet provinsiale Landsdienskamp
Gedurende die kamp moes elke span aan ’n wye verskeidenheid aktiwiteite deelneem.
Die Landsdiensleerders van Hoërskool Ermelo het onlangs die jaarlikse provinsiale Landsdienskamp by die Mighty Apies River Lodge bygewoon.
Gedurende die kamp moes elke span aan ’n wye verskeidenheid aktiwiteite deelneem.
Op die eerste aand is ’n tradisionele vlooimark aangebied waartydens die leerders handgemaakte items teen R5 elk verkoop het.
Die verrigtinge is met ’n dans, Bybelstudiesessies en aandsang afgesluit, wat deurgaans hoogtepunte van die kamp was.
Die Erries wat gekies is om die nasionale kamp by te woon, was Zethembe Shongwe (gr. 12), Megan McDermid (gr. 11) en Franco Gibbens (gr. 10).
Twee bykomende leerders is as reserwes gekies, naamlik Lisakhanya Sindi (gr. 12) en Elri Breedt (gr. 10).
“EHS is trots op hierdie leerders. Mag die Landsdiensleuse op ’n daaglikse grondslag gestalte by elke Landsdiener se lewe vind,” het die skoolhoof, Pieter Grobler, gesê.
