Bekommerde Ermeloër op soek na verlore hangertjie

ERMELO – ’n Bekommerde ma het Hoëvelder onlangs gekontak nadat haar dogter glo ’n baie spesiale kettinkie verloor het.

Volgens die ma het haar dogter die halssnoer in Merino Mall se parkeerterrein verloor.

Sy het die koerant genader met die hoop dat iemand dit dalk opgetel het en na die eienaar op soek is.

“Indien enige persoon dalk die halssnoer opgetel het, kan hulle dit by Acsu se kantoor afgee,” het die ma gevra.

Sy sê dat dit baie betekenis vir haar dogter het, en sy glo vas dat iemand die halssnoer terug sal besorg.