ERMELO – Milan de Waal, ‘n tienerdogter wat sleutelhouers uit krale maak, waarvan Hoëvelder voorheen berig het, is onlangs met oorspronklike Springbok-klere deur Springbok-speelster Catha Jacobs bederf.
Milan (16) het Jacobs per toeval ontmoet deur Jacobs se broer se matriekafskeid.
Milan se ma, Leandré, het foto’s geneem en Milan het uitgehelp.
“Sy het dadelik in my rugbyloopbaan belanggestel. Ons kon baie lekker gesels en het ‘n paar foto’s saam geneem. Ons het kontak gehou en ek is geïnspireer deur haar storie en die belangstelling wat sy in my gewys het,” sê Jacobs.
Volgens Leandré kon hulle nêrens Springbok-ondersteunerstruie op die dorp kry nie, maar is dankbaar dat Milan so ‘n besonderse geskenk kon kry.
“Dit was ‘n plesier om vir Milan van my rugby-kit te stuur om dankie te sê vir haar ondersteuning. Ek het nie iemand gehad om na op te kyk toe ek jonger was nie, daarom is ek so bly ek het haar geïnspireer en dat sy so ‘n belangstelling in vrouerugby het,” sê Jacobs.
Milan was gereed om die Wêreldbekerfinaal te kyk, geklee van kop tot toon met Springbok-klere.
