ERMELO – Die polisie ondersoek ’n saak van gewapende roof wat op 8 Oktober by die Ndalamo-myn op die Piet Retief-pad plaasgevind het.
Volgens kapt. Carla Prinsloo, die polisiewoordvoerder, is die wagte op die perseel omstreeks 00:30 deur twee mans gekonfronteer.
Die verdagtes het ’n vuurwapen op die wagte gerig en hul amptelike vuurwapens by hulle afgeneem voor hulle vasgebind is.
“Die mans het diesel ter waarde van R84 000 gesteel,” het Prinsloo gesê.
Kort nadat die verdagtes van die toneel gevlug het, het een van die wagte daarin geslaag om los te kom en hulp te ontbied.
Die verdagtes is steeds op soek.
Related Articles
