ERMELO – Die vroue van die Vroue Landbou-unie (VLU) se Talento Mulher-tak het onlangs die kospotte laat prut ter voorbereiding vir hulle stalletjie by Steve’s Place se musiekfees.
Die fees het op 2 April in eMalahleni plaasgevind en al die vroue se harde werk het soos soetkoek verkoop.
Op hul spyskaart was heerlike koekiefudge, springmielieballe, grondboontjiebrosstafies en Rice Krispie-stafies.
Die vure is aangesteek en hulle het boereworsrolle, sosaties en skilpadjies gebraai.
Me. Katrien Botha, me. Veronica Bisschoff, me. Elsa de Villiers, me. Sue Nell, me. Gugu Fakude en me. Elzabe Harmse het groot pret gedurende die voorbereiding vir die musiekfees se eetgoed gehad.
Related Articles
